လွိုင်လင်လေးမြို့ဒေသဆိုင်ရာအချက်အလက်များ

အခန်း(၁)

နိဒါန်းနှင့် ဒေသသမိုင်း


နိဒါန်း

၁။ လွိုင်လင်လေးမြို့အထွေထွေအုပ်ချုပ်ရေးဦးစီးဌာနသည် လွိုင်ကော်ခရိုင်၊ လွိုင်ကော်မြို့နယ်အထွေထွေအုပ်ချုပ်ရေးဦးစီး ဌာနအောက်ရှိ ဌာနတစ်ခုဖြစ်ပြီး တရားဥပဒေစိုးမိုးရေး၊ ရပ်ရွာ အေးချမ်းသာယာရေး၊ ဒေသဖွံ့ဖြိုးရေးနှင့် ပြည်သူ့အကျိုးပြု ဆောင်ရွက်ရေးဟူသော ရည်မှန်းချက်တာဝန်များကို အောင်မြင် အောင် ဆောင်ရွက်လျှက်ရှိပါသည်။ လွိုင်လင်လေးမြို့အထွေထွေ အုပ်ချုပ်ရေးဦးစီးဌာနတွင် တာဝန်ထမ်းဆောင်ကြသည့် အဆင့်ဆင့် သော အမှုထမ်းများသည် မြို့အဆင့်မှ အောက်ခြေရပ်ကွက်/ ကျေးရွာအုပ်စုအဆင့်အထိ ဌာနစုအသီးသီးတွင် တာဝန်ထမ်း ဆောင်ကြရပြီး နိုင်ငံတော်အုပ်ချုပ်ရေးယန္တရား ချောမွေ့စွာ လည်ပတ်ရေးတွင် ပါဝင်ဆောင်ရွက်ခြင်း၊ ဝန်ကြီးဌာန၏ ရည်မှန်းချက်တာဝန်များ၊ အခြားဝန်ကြီးဌာနမှပေးအပ်သော တာဝန်များနှင့် ပြည်နယ်အစိုးရအဖွဲ့မှ ပေးအပ်သောလုပ်ငန်း တာဝန်များကို ကျေပွန်စွာထမ်းဆောင်နေကြရသည်ဖြစ်ရာ ဒေသ ဆိုင်ရာအချက်အလက်များ ပြုစုထားရှိခြင်းသည်များစွာ အရေးပါ လာပါသည်။ ဒေသဆိုင်ရာအချက်အလက်များပြုစုခြင်းဖြင့် မိမိတို့ ၏လုပ်ငန်းဆောင်ရွက်ရာတွင် အထောက်အကူပြုသကဲ့သို အကြီး အကဲများနယ်မြေသို့ ကွင်းဆင်းရာတွင် နယ်မြေ၏ အချက်အလက်များကို လွယ်ကူစွာသိရှိနိုင်မည်ဖြစ်ပါသည်။ ဤစာအုပ်သည် လွိုင်လင်လေးမြို့၏ဒေသဆိုင်ရာ အချက်အလက်များ(၂၀၁၈ခုနှစ်၊ ဧပြီလမှ စက်တင်ဘာလအထိအခြေအနေ)ကို သက်ဆိုင်ရာဌာန အသီးသီးမှ ပေးပို့သောကိန်းဂဏန်းများနှင့်အညီ ပြုစုတင်ပြ ထားခြင်းဖြစ်ပါသည်။


ဒေသသမိုင်းအကျဉ်း

၂။ လွိုင်လင်လေးမြို့သည် ရှေးခေတ် ကယားပြည်နယ်၊ စော်ဘွားများအဆက်ဆက်မှ နေရာယူအုပ်ချုပ်ခဲ့သောကြောင့် ခုနှစ်သက္ကရာဇ်ဖော်ပြရန်ခက်ခဲပါသည်။ ရှေးယခင်က ကုန်းပျက် ရှမ်းရွာ၊ အိမ်ခြေ(၃၀)၊ ကုန်းပျက်ကယားရွာ အိမ်ခြေ(၄၀)ခန့်ဖြစ် ၍ အရှေ့ဘက်တွင် ကျိုင်းတုံရွာ၊ အိမ်ခြေ(၃၀)ခန့်နှင့် လွိုင်လင်ရွာ၊ အိမ်ခြေ(၄၀)ခန့်၊ ဘုရားတောင်အရှေ့ဘက်တွင်ရှိခဲ့ပြီး စော်ဘွား လက်ထက်အခေါ်ဟိန်(ခ) လက်ထောက်မြို့ပိုင်(၁)ဦး အုပ်ချုပ်ခဲ့ ပြီး ထီးစဲခါးတိုက်နယ်သတ်မှတ်ပြီး ရွာ ပေါင်း(၃၀)ကျော်ရှိ၍ တောင်ယာနှင့် လယ်သမားများဖြစ်ကြပါသည်။ စိုက်သီးနှံအမျိုး အမည်အလိုက် ထွက်ရှိသီးနှံ (၁၀)ပုံ (၁)ပုံ အခွန်တော်ကောက်၍ လွိုင်ကော်စော်ဘွားထံ အပ်နှံရပါသည်။

စော်ဘွားများလက်ထက် လုံခြုံရေးမှာ ကယားရဲတပ်ဖွဲ့မှ ရဲကင်းများ၊ ထီးစဲခါးတွင် (၁)ကင်း၊ လွိုင်လင်လေးတွင်(၁)ကင်း နှင့် နောက်ပိုင်းတွင် သာယုရွာနေရာတွင်(၁)ကင်း၊ တီးလုံကျေးရွာ တွင်(၁)ကင်း အသီးသီးရှိ၍ ကျေးရွာတိုင်းတွင် ပူကန်(ခ)သူကြီး နှင့် ရွာဆော်တစ်ဦးစီ ပါရှိပါသည်။ ၁၈၈၅ ခုနှစ်၊ အင်္ဂလိပ်လက်အောက်တွင်လည်း အုပ်ချုပ် ပုံစနစ် မူလအတိုင်းဖြစ်ခဲ့ပါသည်။ လွိုင်ကော်မှ ဟိုပုံး ကားလမ်း ဖောက်သည့်အချိန် တဖြေးဖြေးကယားလူမျိုးများသည် ရှားတော၊ သရီးဒါးဘက်သို့ ပြောင်းရွှေ့သွားခဲ့ပါသည်။ ကျန်သည့် ရှမ်း၊ ပအိုဝ့်လူမျိုးများမှ ၎င်းတို့ရွာအမည်ကို လွိုင်လင်ဟု ခေါ်ဝေါ်ခဲ့ ကြပြီး လွိုင်လင်လေးမြို့ ဖြစ်ခဲ့ပါသည်။ သို့သော် အုပ်ချုပ်သူ များမှာ ၎င်းတို့နေသည့် ရွာမှာသာ နေကြပြီး ရုံး၊ အိမ် သတ်မှတ် ခဲ့ကြပါသည်။ ဘုန်းတော်ကြီးကျောင်းသားများသာ မိမိဘာသာ စကားအလိုက်တင်ပြရပြီး စော်ဘွားနှင့် ဆက်နွယ်သားသမီးများ ကို ရှမ်းပြည်နယ်၊ တောင်ကြီးမြို့မှ စော်ဘွားသမီးများကျောင်း တွင် အတန်းပညာသင်ကြားပေးကြောင်း သိရပါသည်။ စျေးနေ့ (၅)ရက် တစ်စျေးဖြစ်ပြီး (၃)နေရာပြောင်းလျက် ယခုလက်ရှိနေရာ မှာ တည်မြဲခဲ့ပါသည်။ ယင်းအချိန်နေထိုင်ကြသော လူမျိုးစုများ မှာ ရှမ်း၊ ကယား၊ တောင်သူ(ခ) ပအိုဝ့်၊ ဗမာ၊ မွန် အများစုဖြစ် ပါသည်။

လွိုင်လင်လေးမြို့တွင် လာရောက်နေထိုင်သော မွန်နှင့် ဗမာများသည် စော်ဘွားများအုပ်ချုပ်စဉ် အဆက်ဆက် ကယား ပြည်နယ်မှထွက်ရှိသော ကျွန်းနှင့် သစ်မာများကို စော်ဘွားများ ထံမှ သစ်ကွင်းဝယ်ယူခုတ်လဲသည့် စတီးဗရားသား မွန်ပြည်နယ် အခြေစိုက်ကုမ္ပဏီများ၏ ဝန်ထမ်းလုပ်ကိုင်ရင်းဖြင့် ရေကြည်မျက်နုရာမျိုးစနစ်ဖြင့် အခြေချနေထိုင်ခဲ့သည့်အပြင် သစ်စက်ခွဲ သားထုတ်လုပ်ခြင်းတွင် ကျွမ်းကျင်သူများဖြစ်ခဲ့ပြီး အခြေချနေ ထိုင်ခဲ့ပါသည်။ ၁၉၆၂ ခုနှစ်၊ တော်လှန်ရေးကောင်စီအစိုးရ လက်ထက်တွင် လွိုင်လင်လေးမြို့၊ ထီးစဲခါးတိုက်နယ်လက်အောက် တွင် ကျေးရွာ(၃၀)ကျော် မူလအတိုင်းသတ်မှတ်၍ ပူဟိန်(ခ) လက်ထောက်မြို့ပိုင်များကို ပြန်လည်ခန့်အပ်ပြီး ကျေးရွာတွင် ပူကန်(ခ)သူကြီးနှင့် ရွာဆော်(၁)ဦးစီဖြင့် အုပ်ချုပ်ရေးဆောင်ရွက် ခဲ့ပြီး အခွန်တော်အား သီးနှံခွန်အစားငွေဖြင့် သတ်မှတ်ကောက်ခံ စေခဲ့ပါသည်။ ၁၉၆၈ ခုနှစ်တွင် ထီးစဲခါးရဲကင်းချန်၍ ကျန် ရဲကင်း (၃)ကင်းကို ဖြုတ်သိမ်းခဲ့ပါသည်။

၁၉၇၂ ခုနှစ်တွင် တော်လှန်ရေးကောင်စီအစိုးရမှ မြို့ အုပ်ချုပ်ရေးမှူးအား ဥပဒေဖြင့် ရုပ်သိမ်းပြီး လွိုင်လင်လေးကို ကျေးရွာအုပ်စု၊ ထီးစဲခါးကိုကျေးရွာအုပ်စု၊ တီးလုံကို ကျေးရွာ အုပ်စု အသီးသီးဖွဲ့စည်းပြီး လုံခြုံရေးနှင့် အုပ်ချုပ်မှုကော်မတီ (၅)ဦးစီဖြင့် ခန့်အပ်အုပ်ချုပ်စေခဲ့ပါသည်။

လွိုင်လင်လေးမြို့သည် ယခင်က လွိုင်ကော်မြို့နယ်၏ ကျေးရွာအုပ်စုအဆင့်သာ တည်ရှိပြီး ပြည်ထဲရေးဝန်ကြီးဌာန၏ (၂၂-၁၀-၂၀၁၇)ရက်စွဲပါအမိန့် ကြော်ငြာစာအမှတ်(၁၃၈၇/၂၀၁၇) ဖြင့် ရပ်ကွက်(၃)ရပ်ကွက်ပါဝင်သော မြို့အဖြစ်ဖွဲ့စည်းမိန့်ထုတ် ပြန်ခဲ့ပါသည်။ ရပ်ကွက်(၃)ရပ်ကွက်မှာ အောင်တေဇရပ်ကွက်၊ အောင်မင်္ဂလာရပ်ကွက်၊ အောင်သိဒ္ဓိရပ်ကွက်တို့ဖြစ်ပြီး တတိယ အကြိမ်ပြင်ဆင်သည့် ရပ်ကွက်(သို့မဟုတ်)ကျေးရွာအုပ်စု ဥပဒေ သစ်နှင့်အညီ ရပ်ကွက်အုပ်ချုပ်ရေးမှူးများအား ခန့်အပ်တာဝန် ပေးအပ်ထားရှိပြီးဖြစ်ပါသည်။

အခန်း(၂)

ပထဝီဝင် အနေအထား


တည်နေရာနှင့် အကျယ်အဝန်း

၃။ လွိုင်လင်လေးမြို့သည် ကယားပြည်နယ်၊ လွိုင်ကော်ခရိုင်၊ လွိုင်ကော်မြို့နယ်တွင် ပါဝင်ပါသည်။ လွိုင်လင်လေးမြို့သည် မြောက်လတ္တီတွဒ် ၁၉ ဒီဂရီ ၅၂ မိနစ်နှင့် အရှေ့လောင်ဂျီတွဒ် ၉၇ ဒီဂရီ ၁၃ မိနစ်တွင် တည်ရှိပါသည်။ အကျယ်အဝန်းမှာ အောက်ပါ အတိုင်းဖြစ်ပါသည် -

စဉ် မြို့နယ် မြို့ အကျယ်အဝန်း
  ဧက စတုန်းရန်းမိုင်
လွိုင်ကော် လွိုင်လင်လေး ၂၈၉ ၀.၄၅၁


နယ်နိမိတ်

၄။ လွိုင်လင်လေးမြို့၏ အရှေ့ဘက်တွင် လွိုင်ကော်မြို့နယ်၊ တီးလုံကျေးရွာအုပ်စုနှင့် ထီးစဲခါးကျေးရွာအုပ်စု၊ အနောက်ဘက် တွင် ပိန်းချစ်ကျေးရွာအုပ်စု၊ တောင်ဘက်တွင် လွိုင်ကော်မြို့နယ် နှင့် မြောက်ဘက်တွင် ရှမ်းပြည်နယ်၊ ဆီဆိုင်မြို့နယ်တို့နှင့် ထိစပ် လျှက်ရှိပါသည်။


မြေမျက်နှာသွင်ပြင်

၅။ လွိုင်လင်လေးမြို့သည် တောတောင်နှင့် သစ်တောများပြား ပြီး ‌မြေပြန့်လွင်ပြင်နည်းပါးပါသည်။ ထင်ရှားသောတောင်များ မှာ မြို့၏ အနောက်ဘက်တွင် ဘုရားတောင်(၂)တောင် ဖြစ်ပါ သည်။


ရေဆင်း

၆။ လွိုင်လင်လေးမြို့ မြောက်ဘက်တွင် ရေချောင်းငယ်လေး (၁)ချောင်းရှိပါသည်။ အနောက်ဘက်မှ မြောက်ဘက်သို့ စီးဆင်း လျှက် ရှိပါသည်။ ရေချိုရေဖြစ်ပြီး သောက်သုံးရေနှင့် စိုက်ပျိုး ရေများအဖြစ် အသုံးပြုကြပါသည်။


ပင်လယ်ရေမျက်နှာပြင်အထက်အမြင့်

၇။ လွိုင်လင်လေးမြို့သည် ပင်လယ်ရေမျက်နှာပြင်အထက် ပျှမ်းမျှအမြင့် (၂၅၅၅)ပေ အထက်တွင် တည်ရှိပါသည်။

 

၂၀၁၈ ခုနှစ်၊ ဧပြီလမှ ၂၀၁၈ ခုနှစ်၊ စက်တင်ဘာလအထိ သတင်းအချက်အလက် အပြည့်အစုံဖတ်ရှု့ရန်