ဖားဆောင်းမြို့နယ် ဒေသဆိုင်ရာအချက်အလက်များ

အပိုင်း(၂)

အခန်း(၁)

နိဒါန်းနှင့်ဒေသသမိုင်း


နိဒါန်း

၁။ အထွေထွေအုပ်ချုပ်ရေးဦးစီးဌာနသည် ပြည်ထောင်စုအစိုးရအဖွဲ့ရုံး ဝန်ကြီးဌာနအောက်ရှိဌာနဖြစ်ပြီး တရားဥပဒေစိုးမိုးရေး၊ ရပ်ရွာအေးချမ်း သာယာရေး၊နိုင်ငံတော်အစိုးရ၏ မူဝါဒများ အကောင်အထည်ဖော်ရေး၊ ကောင်းမွန် သောအုပ်ချုပ်ရေးစနစ်ဖော်ဆောင်ရေးနှင့် ပြည်သူဗဟိုပြု ဒေသဖွံ့ဖြိုးရေးလုပ်ငန်းများ ဆောင်ရွက်ရေးဟူသော ရည်မှန်းချက်တာဝန် များကိုအောင်မြင်အောင် ဆောင်ရွက်လျက်ရှိပါသည်။ အထွေထွေအုပ်ချုပ် ရေးဦးစီးဌာနတွင် တာဝန်ထမ်းဆောင်ကြသည့် အဆင့်ဆင့်သော အရာထမ်း၊ အမှုထမ်းများသည် ရုံးချုပ် အဆင့်မှအောက်ခြေ ရပ်ကွက်/ ကျေးရွာအုပ်စု အဆင့်အထိ အထွေထွေအုပ်ချုပ်ရေးဦးစီးဌာနရုံးအသီးသီးတွင် တာဝန် ထမ်းဆောင်ကြရပြီး နိုင်ငံတော်အုပ်ချုပ်ရေး ယန္တရားချောမွေ့စွာ လည်ပတ် ရေးတွင် ပါဝင်ဆောင်ရွက်ခြင်း၊ ဝန်ကြီးဌာန၏ရည်မှန်းချက် တာဝန်များ၊ အခြားဝန်ကြီးဌာနမှ ပေးအပ်သော တာဝန်များနှင့် ဒေသန္တရအစိုးရအဖွဲ့များမှ ပေးအပ်သော  လုပ်ငန်းတာဝန် များကို ကျေပွန်စွာ ထမ်းဆောင်နေကြရသည် ဖြစ်ရာ ဒေသဆိုင်ရာအချက် အလက်များပြုစုထားရှိခြင်းသည် များစွာအရေးပါ လာပါသည်။ ဒေသဆိုင်ရာအချက် အလက်များပြုစုခြင်းဖြင့် မိမိတို့၏လုပ်ငန်း ဆောင်ရွက်ရာတွင် အထောက် အကူပြုသကဲ့သို့အကြီးအကဲများ နယ်မြေသို့ ကွင်းဆင်းရာတွင်နယ်မြေ၏  အချက်အလက်များကို လွယ်ကူစွာသိရှိနိုင် မည်ဖြစ်ပါသည်။ ဤစာအုပ် သည် ဖားဆောင်းမြို့နယ်၏ဒေသဆိုင်ရာ အချက်အလက်များ(၂၀၁၉ခုနှစ်၊ စက်တင်ဘာလကုန်ထိ အခြေအနေ)ကို သက်ဆိုင်ရာ ဌာနအသီးသီးမှ ပေးပို့သောကိန်းဂဏန်းများနှင့်အညီ ပြုစု တင်ပြထားခြင်းဖြစ်ပါသည်။


ဒေသသမိုင်းအကျဉ်း

၂။  ဖားဆောင်းမြို့နယ်သည် ၁၈၈၂ခုနှစ်တွင် ဖားဆောင်းမြို့နယ်ဟု စတင်ခေါ်ဆိုခဲ့ပါသည်။ ၁၈၄၃ခုနှစ်တွင် တနန်းလော့ကျေးရွာမှ ကရင် လူမျိုး ဗုဒ္ဓဘာသာ၀င်တစ်ဦးဖြစ်သည့် ဦးလုံခမ်းမှ သံလွင်မြစ်နှင့် ပွန်ချောင်းဆုံရာ အထက်ဘက်တွင် အလွန်ကြီးမားသော ကျောက်ဖျာ တစ်ချပ်စောင်းလျက်ရှိသည်ကို အစွဲပြု၍ ဖာဆောင်းဟု ခေါ်ဝေါ်သတ်မှတ် ခဲ့ပါသည်။ ယင်းအမည်မှာ ရှမ်းဘာသာဖြင့် ဖာဆိုသည်မှာ ကျောက်ဖျာ နံရံဟုအဓိပ္ပာယ်ရသည်။ နောက်ပိုင်းကာလတွင် ဖားဆောင်း ဟုတွင်လာ ခဲ့ပါသည်။ ဦးလုံခမ်းဆိုသူမှာဖားဆောင်းမြို့နေရာအား အိမ်ခြေ(၁၄-၁၅) အိမ်ခန့်ဖြင့် လာရောက်နေထိုင်ခဲ့ပြီး ရိုးရာဓလေ့ကြက်ရိုးထိုးကြည့်ရာ မြို့အဖြစ်ကာလများစွာတည်ရှိမည့်အရပ်များတွေ့ရှိရ၍ ရွာ၏ ထောင့် လေးထောင့်တွင် ဆီအိုး(၁)လုံးစီ ရွာအလည်တည့်တည့်တွင် ဆီအိုး(၁)လုံး မြုပ်နှံခဲ့ပါသည်။ ဖားဆောင်းမြို့သံလွင် မြစ်ကမ်းပါးတွင် ယခုတိုင် တည်ရှိနေသည့် မွေတော်ဘုန်းကြီးကျောင်းကို ၎င်းမှပင် ဆောက်လုပ် လှူဒါန်းခဲ့ကြောင်း သိရှိရပါသည်။ ထိုစဉ်က မော်ချီးသတ္တုတွင်းမှ ထွက်ရှိခဲ့ သည့် ခဲများကို လား၊ နွားများဖြင့် သယ်ဆောင်ပြီး ဖားဆောင်းမြို့ တောင်ဘက် (၅)မိုင်အကွာရှိ ခဲမဖြူ သံလွင်ကမ်းမှတစ်ဆင့် လှေကြီးများ ဖြင့် ချောက်ညှပ်၊ ဖာပွန်အထိ အဆင့်ဆင့်သယ်ပို့ရာ စီးပွားရေးဖွံ့ဖြိုး၍ ခဲမဖြူရွာကြီးသည် အိမ်ခြေ(၆၀၀)ခန့်ထိ တည်ရှိခဲ့ပါသည်။၁၉၇၁ခုနှစ် တွင် ခဲမဖြူရွာကြီး မီးလောင်ပျက်စီးသောအခါမီးဘေး ဒုက္ခသည်များ ဖားဆောင်းရွာသို့ ပြောင်းရွှေ့ အခြေချနေထိုင်လာ ကြရာလူဦးရေ၊ အိမ်ခြေ များပြားလာပြီး မြို့အဖြစ်စတင်ပေါ် ပေါက်ခဲ့ကြောင်း သိရှိရပါသည်။ ပြည်ထဲရေးနှင့်သာသနာရေး ဝန်ကြီးဌာန၊ အထွေထွေအုပ်ချုပ်ရေး ဦးစီးဌာန၏ (၂၈.၇.၁၉၇၂) ရက်စွဲပါ အမိန့်ကြော်ငြာစာအမှတ်၊ ၁၀၃/၅၀/ စိတ်(၁)အရ ဖားဆောင်းမြို့နယ်ကို ကျေးရွာအုပ်စု (၁၂)စု၊ ကျေးရွာပေါင်း(၇၂)ရွာဖြင့် ဖွဲ့စည်း၍ ယခင်ပြည်သူ့လွှတ်တော်နှင့် ပြည်သူ့ကောင်စီ အဆင့်ဆင့်တို့ကို ရွေးချယ်တင်မြောက်ခဲ့ကြပါသည်။ ပြည်ထဲရေးနှင့် သာသနာရေး၀န်ကြီးဌာန၏ (၂၇.၄.၁၉၉၀) ရက်စွဲပါကြော်ငြာစာအမှတ် (၆၇)အရ ဖားဆောင်းမြို့နယ်အတွင်းရှိ မယ်စဲ့ကျေးရွာကို မြို့အဖြစ် ဖွဲ့စည်းတိုးချဲ့သောကြောင့် လက်ရှိ ဖားဆောင်းမြို့နယ်ကို ရပ်ကွက်(၂) ရပ်ကွက် ကျေးရွာအုပ်စု(၈)အုပ်စု ကျေးရွာငယ်ပေါင်း(၅၇)ရွာတို့ဖြင့် ဖွဲ့ စည်းထားရှိပါသည်။ပြည်ထဲရေးဝန်ကြီးဌာန၏(၁၇.၃.၂၀၁၆)ရက်စွဲပါ အမိန့် အမှတ် (၈၀၁/၂၀၁၆)အရ ဖားဆောင်းမြို့နယ်ကို ရပ်ကွက်(၂) ရပ်ကွက် ကျေးရွာအုပ်စု(၈)အုပ်စု၊ ကျေးရွာပေါင်း (၅၆)ရွာဖြင့် ပြင်ဆင်ဖွဲ့စည်း လိုက်သည်။

အခန်း(၂)

ပထဝီဝင် အနေအထား


တည်နေရာအကျယ်အဝန်း

၃။ ဖားဆောင်းမြို့နယ်သည် မြောက်လတ္တီတွဒ် (၁၈ံ၃၀')မှ (၁၉ံ၁၅')၊ အရှေ့လောင်ဂျီတွဒ်(၉၆ံ၅၇')မှ (၉၇ံ၄၅')ကြားတွင် ရှိပြီးပင်လယ်ရေမျက်နှာ ပြင်အထက် (၅၃၇)ပေတွင် တည်ရှိပါသည်။ ဖားဆောင်းမြို့နယ်၏ ဧရိယာ အကျယ်အဝန်းမှာ အောက်ပါ အတိုင်း ဖြစ်ပါသည်-

စဉ် မြို့အမည် မြို့ဧရိယာ စတုရန်းမိုင် ကျေးရွာအုပ်စု ဧရိယာစတုရန်းမိုင် မြို့နယ်ဧရိယာ စတုရန်းမိုင်
ဖားဆောင် ၀.၄ ၆၂၄.၀၄ ၆၂၉.၄၄
မြို့နယ်ချုပ် ၀.၄ ၆၂၄.၀၄ ၆၂၉.၄၄

 


နယ်နမိတ်

၄။ ဖားဆောင်းမြို့နယ်၏ အရှေ့ဘက်တွင် ကယားပြည်နယ်ရှိ မယ်စဲ့ မြို့နယ်နှင့်နယ်နိမိတ်ချင်း ထိစပ်လျက်ရှိပြီး တောင်ဘက်တွင် ကရင်ပြည် နယ်ရှိ ဖာပွန်မြို့နယ်တို့နှင့် ထိစပ်လျက်ရှိပါသည်။ အနောက် ဘက်တွင် ကရင်ပြည်နယ်ရှိ သံတောင်မြို့နယ်တို့နှင့်ထိစပ်လျက်ရှိပြီး မြောက်ဘက် တွင် ကယားပြည်နယ်ရှိ ဘောလခဲမြို့နယ်တို့နှင့် နယ်နိမိတ် ထိစပ်လျက် ရှိပါသည်။


မြေမျက်နှာသွင်ပြင်

၅။ ဖားဆောင်းမြို့နယ်သည် တောင်တန်းဒေသဖြစ်သည့် အားလျော် စွာ သံလွင်မြစ်ဝှမ်းနှင့်တောင်ကြားလွင်ပြင်များတွင်သာ မြေညီမြေပြန့် ရှိပြီး ကျန်ဒေသများမှာ တောင်ကုန်း၊ တောင်တန်း၊ တောင်စွယ်များနှင့် ချောက်ကမ်းပါးများရှိပါသည်။ မော်ချီးကျေး ရွာနှင့်(၇)မိုင် အကွာရှိ နတ်တောင်သည် အမြင့်ပေ(၈၆၀၇)ပေရှိပြီး ဖားဆောင်းမြို့နယ်၏ အမြင့် ဆုံးတောင် ဖြစ်ပါသည်။


ရေဆင်း

၆။ ဖားဆောင်းမြို့နယ်တွင်မြစ်(၁)မြစ်၊ချောင်း(၉)ချောင်းစီးဆင်းလျက် ရှိပြီး အရှည်ဆုံးမြစ်မှာ သံလွင်မြစ်ဖြစ်၍ ဖားဆောင်းမြို့မှ ကရင်ပြည်နယ်  သို့ စီးဆင်းလျက်ရှိပါသည်။


ပင်လယ်ရေမျက်နှာပြင်အထက်အမြင့်

၇။ ဖားဆောင်းမြို့နယ်၏ ပင်လယ်ရေမျက်နှာပြင်၏ အထက် အမြင့်မှာ အောက်ပါအတိုင်းဖြစ်ပါသည်-

စဉ် မြို့နယ် ပင်လယ်ရေမျက်နှာပြင်အမြင့် (ပေ)
ဖားဆောင်း ၅၃၇
မြို့နယ်ချုပ် ၅၃၇

 

 

၂၀၁၇ ခုနှစ်၊ ဧပြီလမှ ၂၀၁၈ ခုနှစ်၊ မတ်လအထိ သတင်းအချက်အလက် အပြည့်အစုံဖတ်ရှု့ရန်

၂၀၁၈ ခုနှစ်၊ ဧပြီလမှ ၂၀၁၈ ခုနှစ်၊ စက်တင်ဘာလအထိ သတင်းအချက်အလက် အပြည့်အစုံဖတ်ရှု့ရန်

၂၀၁၈ ခုနှစ် အောက်တိုဘာလမှ ၂၀၁၉ ခုနှစ် စက်တင်ဘာလအထိ သတင်းအချက်အလက်များ အပြည့်အစုံဖတ်ရှု့ရန်